Nós e a nosa historia
Desde 1987, o Arteal Tenis de Mesa impulsa a paixón por este deporte en Galicia, formando campións e fomentando o espírito de superación.
Deporte, competición e formación desde 1987
O Arteal Tenis de Mesa naceu o 15 de decembro de 1987 cunha clara vocación: promover o tenis de mesa en todas as súas vertentes, tanto na competición como na formación. Desde entón, o noso club consolidouse como unha referencia do tenis de mesa galego e nacional, sendo un motor clave na expansión deste deporte.
Ao longo da nosa historia, colaboramos na creación e desenvolvemento de varios clubs que hoxe compiten nas diferentes categorías nacionais, como os de Noia, Padrón, Negreira ou Ordes, contribuíndo activamente ao crecemento do tenis de mesa en Galicia.
Durante oito anos, o Arteal T.M. formou parte do Clube Deportivo Universitario de Santiago (CDU), unha etapa chea de grandes logros deportivos que marcou o inicio dun crecemento continuo. Co paso do tempo, o club foi ampliando a súa estrutura, incorporando equipos en categorías inferiores e consolidando a súa presenza nas ligas galegas e nacionais. Actualmente, competimos en Superdivisión, División de Honra, Segunda Nacional, Terceira Nacional e Segunda Galega.
A Escola e o triunfo
No ano 2006, demos un paso decisivo coa creación da nosa Escola Deportiva de Tenis de Mesa, con sede no Multiusos de San Lázaro. Este proxecto formativo non só desenvólvese nestas instalacións, senón tamén en centros escolares de Santiago e en instalacións municipais dos concellos limítrofes, achegando o tenis de mesa a nenos, novos e afeccionados de toda a comarca.
Ese mesmo ano vivimos un dos momentos máis importantes da nosa historia: o Arteal T.M. proclamouse campión da Copa do Rey durante o Campionato de España celebrado en Guadalajara, un logro histórico tanto para o club como para todo o tenis de mesa galego.
O noso obxectivo
Ao longo dos anos, o Arteal T.M. estivo presente en todas as categorías nacionais, tanto na modalidade masculina como feminina, consolidándose como un dos clubs máis destacados do país.
Hoxe seguimos fieis ao noso espírito de superación, formando novas xeracións de xogadores baixo a dirección de adestradores internacionais de alto nivel, como Humberto Manhani e Gerusa de la Rosa Acordi.
No Arteal T.M. cremos que o tenis de mesa é un deporte para todas as idades, onde o máis importante son as ganas de aprender, mellorar e gozar. A nosa misión continúa sendo a mesma que en 1987: crear afección, formar deportistas e levar o nome de Santiago e de Galicia todo o máis alto.
Local de xogo
Estadio Vero Boquete. San Lázaro s/n
Santiago de Compostela.
15703 A Coruña
Teléfono
(+34) 981 577 600
(+34) 636 478 145